(489) SOUS LE RÈGNE DE CHARLES VI. 249

Item, laissa au pardon de Hault Pas au dehors de Paris six solz Parisis.

Item, laissa à Jehannette, sa chamberiere, deux frans.

Item, à la nourrice de maistre Macé Heron, son filz, xvi solz Parisis.

Item, à Jehannette, femme de Guillaume le Borgne, xvi solz Parisis.

Item, laissa à tousjours aux enfans de Germaine, sa fille, pour eulx, leurs hoirs et ayans cause, tout tel droit, part et porcion qu'elle a et puet avoir et demander en une petite maison assise à Paris en la rue des Bouticles pres du Petit Pont.

Item, laissa à tousjours à Marlin, filz du dit maistre Macé Heron, son filz, pour lui, ses hoirs et ayans cause, son hostel, court, jardins, vignes et tous ses autres heritages quelzconques sans riens excepter qu'elle a et puet avoir assiz en la ville et terrouer de Montrouge; moyennant et parmi ce que il et ses ayans cause seront tenus de faire dire et celebrer, chascun an à tousjours perpetuelment, en la dicte eglise de Saint Severin une messe solennelle de Requiem à dyacre et soubzdiaçre, à tel jour comme elle trespassera ou qu'il sera advisé par ses diz executeurs.

Item, les laiz et ordenances dessus diz paiez, entérinez et acomplis, la dicte testaterresse voult et ordena tout le résidu de tous ses biens meubles, debtes et conquestz immeubles quelzconques estre donné, distribué et aumosné pour Dieu, pour le salut de son ame, tant en messes chanter comme à povres gens et autres euvres piteables et charitables, et tout ainsi et par tele maniere comme il plaira à ses diz executeurs.

Pour toutes et chascunes lesqueles choses dessus dictes faire, paier, entériner et acomplir, et mettre à fin et execucion deue de point en point selon leur forme et teneur la dicte testaterresse fist, nomma, esleut et ordena ses executeurs et feaulx commissaires, maistre Jehan de Crespy, notaire et secretaire du roy nostre sire, frere Laurent de Crespy, de l'ordre des diz Celestins, ses freres, le dit maistre Macé



	(489) SOUS LE RÈGNE DE CHARLES VI. 249 Item, laissa au pardon de Hault Pas au dehors de Paris six solz Parisis. Item, laissa à Jehannette, sa chamberiere, deux frans. Item, à la nourrice de maistre Macé Heron, son filz, xvi solz Parisis. Item, à Jehannette, femme de Guillaume le Borgne, xvi solz Parisis. Item, laissa à tousjours aux enfans de Germaine, sa fille, pour eulx, leurs hoirs et ayans cause, tout tel droit, part et porcion qu'elle a et puet avoir et demander en une petite maison assise à Paris en la rue des Bouticles pres du Petit Pont. Item, laissa à tousjours à Marlin, filz du dit maistre Macé Heron, son filz, pour lui, ses hoirs et ayans cause, son hostel, court, jardins, vignes et tous ses autres heritages quelzconques sans riens excepter qu'elle a et puet avoir assiz en la ville et terrouer de Montrouge; moyennant et parmi ce que il et ses ayans cause seront tenus de faire dire et celebrer, chascun an à tousjours perpetuelment, en la dicte eglise de Saint Severin une messe solennelle de Requiem à dyacre et soubzdiaçre, à tel jour comme elle trespassera ou qu'il sera advisé par ses diz executeurs. Item, les laiz et ordenances dessus diz paiez, entérinez et acomplis, la dicte testaterresse voult et ordena tout le résidu de tous ses biens meubles, debtes et conquestz immeubles quelzconques estre donné, distribué et aumosné pour Dieu, pour le salut de son ame, tant en messes chanter comme à povres gens et autres euvres piteables et charitables, et tout ainsi et par tele maniere comme il plaira à ses diz executeurs. Pour toutes et chascunes lesqueles choses dessus dictes faire, paier, entériner et acomplir, et mettre à fin et execucion deue de point en point selon leur forme et teneur la dicte testaterresse fist, nomma, esleut et ordena ses executeurs et feaulx commissaires, maistre Jehan de Crespy, notaire et secretaire du roy nostre sire, frere Laurent de Crespy, de l'ordre des diz Celestins, ses freres, le dit maistre Macé

	32